تجارب قانون الجذب

الحمدالله بفضل اللهم ثم بفضل الاعضاء استفدت كثير من الدروس 


وارى احلامي تتحقق امامي كل مره اجرب طريقه ساعات ماتنجح ميه بالميه 


واجلس افكر ليه قانون الجذب مايعمل. معي واكتشفت انه الخطا في اختيار الهدف وليس بقانون الجذب 


مثال كنت افكر اني اتزوج لكن لما جيت اطبق قانون الجذب اقول هدفي الخطوبه. وفعلا اجذب الخطوبه فقط 


يعني انخطب بس مايصير زواج 
وهنا بديت اصحح اللغلط سويت نفس الخطوات لكن الهدف الزواج وتفاجت كل ما اجذب الزواج تجيني وظيفه ! 
كل مره تجي وظيفه احسن من اللي قبلها او ترقيه 
استغربت كيف الوظيفه وانا رغبتي الزواج والوظيفه صح هدف بس مو متعلقه فيه كثير 
وفكرت وفكرت ايش اللغلط 


وعرفت اني كنت اقول ماراح اتزوج الا لما توظف 


يالله ماتوقعت قانون الجذب قوي ودقيق لهدرجه 


طبعا انا ماعندي مشكله اتزوج اولا بعدين اتوظف 
لكن خلاص قانون الجذب مايعرف الا الاوامر وانا ربطت الزواج بالوظيفه اولا 


يعني اللي ماتحقق معها الجذب اكيد في غلط لازم تسالي نفسك لين تكتشفي المشكله وتحليها 
بعدين تبدين بالجذب 


طريقتي اولا شي الاسترخاء والتنفس ثم (المعايشه ) مو التخيل المعايشه تتخيل وتحسين بالمشاعر اللي لو صار الهدف تحسينها 
اخر شي التوكيدات 

ثم تخيلي انه الهدف خلاص تحقق وانتي مبسوطه وعيشي على انه خلاص صار الهدف 


او انسيه نهائيا وهذا افضل ....

  ##التجربة الثانية 👇👇👇👇

بعدما اكتشفت ان صديقتي الصدوقة كانت حزينه .. وعندي بعض الاصدقاء احس
وجوهم والله تعبانه من الحزن .. الي ملت من حياتها .. الي اتحس انها عايشة
في جحيم .. والي تكره ابوها وامها .. والي اتحس انها الوحيده الي عايشه بحزن
ومحد يفهمها .. 

قررت اكشف سر من اسراري الدفينه ..
الي عيشتني في سعادة وهناء .. 
ومقتنعه تمام الاقتناع في كافة جوانب حياتي .. سواء كانت اجتماعية , مادية 
و كل شي .. 
بتكلم عن كل شي تجاربي الاشياء الي صارتلي غيرت حياتي كل كل شي بالتفصيل 

كل انسان يحلم ان يكون فسعادة وهناء دايم صح ولالا .. 
بس كيف نوصل لهذه المرحله ؟

اول شي مهم جدا جدا جدا .. واظمن لكم حياة سعيده اذا سويتو كل شي 

العزيمه والاردة والتوكل على الله ..

انك اتكون قنوع ان كل شي بيتغير للافضل 
الخيال >> اهم نقطة 


ببداء بتجربتي .. 
يوم كان عمري 15 سنه تقريبا كنت فصف تاسع .. فمدرستنا كانت بتتحول من الابتدائية لمدرسه اعدادية .. فبدينا من صف رابع لييين صف تاسع نفس الوجوه نفس البنات نفس كل شي كبرنا مع بعض كل شي سوينا مع بعض يعني صدق كنا نعرف بعض لدرجه بعد 10 سنوات اذا شفت اي وحده في مكان عام بعرفها على طول لان تمينا مع بعض تقريبا 6 سنوات .. 

كنت انسانه مشاغبة جدا جدا  وانقلوني من صفي لـ صف ثاني .. المهم اني انسانه اكره الروتين واحب التغير جدا .. لما كنت فـ اخر مرحله لي في هذه المدرسه ان خلاص بنتقل على مدرسه جديده كل شي فيها جديد بنات اول مره اشوفهم فكنت متشوقه جدا .. اتخيلت مجرد التخيل  اتكون عندي صديقة خفيفة ظل اتضحك اتضحك وانا  وياها انسوي ثنائي وانكون مع بعض في كل مكان .. وحددت كيف يكون شكلها بس بشكل عام ماتعمقت فالموضوع 

لما رحت على المدرسه الجديده بالفعل .. التقيت بنفس البنت الي حددت مواصفاتها و كانت احلى سنه مرت علي لان الكل كان يمدحنا  انا وهي وانكم وناسه وسوالف وضحك و و .. فقلت اتحقق خيالي خلني اجرب مره ثانيه >> هنا بديت بالفعل اتخيل و و 

فـ على السنه الثانيه كنت متضايقة من هذه البنت جدا استوت لنا بعض المشاكل على اخر الايام .. فتخيلت انها ماتكون معاي على  السنه الثانيه واكون انا مع بنات حددت مواصفاتهم و اشكالهم تقريبا وبندت الموضوع ..
لما رحت على السنه الثانيه نفسسس المواصفات الي طلبتها جت نفس البنات بالضبط 

تميت كذا لحد ثاني سنه كليه .. قلت الحمدالله رب العالمين يحقق امانيي الله راضي عني الحمدالله يارب >> وانا ماعرف شسالفه اصلاً..

فمره وانا على النت شفت كتاب اسمه السر .. الكل كان يتكلم عنه .. دورت عنه فالنت شفت الكل يمدحه نزلته من النت .. قريته مافهمت شي وحذفته .. 

عادي مرت الايام لين مره كنت اتابع قناة الوثائقية .. كاننو حاطين فلم وثائقي ( السر ) نفس الكتاب بس مسوين عنه فلم .. قلت وناااااااااااسه شفت مقطعين وتحمسسسست وخلص لان مالحقت عليه الا على اخر شي .. قلت مايخصني بنزله من النت لقيته باليوتيوب الفلم كاامل نزلته .. وشفته 
طلع يتكلم عن قانون الجذب >> هنا انا اكتشفت قانون الجذب ..

كل شي تتمنونه تتخيلونه تتوكلون على الله و تعرفون ان بيصير تنتظرونه اتحسون ان بيستوي وبيستووووي .. 

على فكره فالفلم هذا يقولون ( قانون الجذب ) تطلب الي تتمنا من  الكره الارضيه وهي بتخلق الاجواء لك عشان يستوي .. وهذا اصلا نحن عندنا من ان تتوكل على الله يقول كما أخبر النبي عليه الصلاة والسلام :" أنا عند ظن عبدي بي فليظن عبدي بي ما شاء" 

يعني اذا قلت بتمووت بتموووت اذا قلت بتمرض بتمرض اذا قلت بعيش سعيد بتعيش سعيد 

باخذ هالاقتباس :

إقتباس »

عندما تقنع نفسك بانك اعمى
ستصبح فعلا اعمى
حتى لو كنت مبصر
عندما تردد في كل لحظة
انا حزين
لم اعد احتمل تعبت
سيزداد حزنك في كل مره
لن تشعر ب السعادة
حتى لو كانت منك كظلك ؟
( لذالك حاول ان تطرد مشاعرك السلبية )
ابتسم لترى الحياة لترى
العالم يبتسم لك فرحا
وتحدث بياجابية .. فكما تقول تكون

ابداو من اليوم حددو لسنه الجديده كل شي تبونه .. 

يبو ورقة وقلم او افتح مايكروسفت ورد اكتب كل شي تبيه .. طبعا لا تتهورون وتكتبون كل كل شي :sm4: خلو كل شي شوي شوي يبدا بالصبر .. >> بيكون احلى وتشويق وانتظار وخيال

يعني مثلا .. 
انا ابغي اشتري سيارة كورلا ( مثلا) بس حق سنتين اروح فيها الكليه وارد وعقب هالسنتين بفكر بعدين شو اخذ وحده ثانية .. 

او مثلا ابغي ادخل فتجاره مع شخص اعرفه بس ماتوقعت اني ادخل معاه شريك وسبحان الله الله وفقنا مع ان كانت البداية غريبه لما تلاقينه >> اوصفوووووو وتخيلوووو .. سبحان الله ربحنا صح شي كان مبلغ حلوو ومو كبير ولا صغير بس فررحت >> حسووو بالفرحه ( كملو الباقي ) وابدعو سوو قصه وحدث 
^
^ 
بتحسون انكم سخيفين  بس دام ان السالفة محد يدري فيها غيرك انته ونفسك وش ورانا خلنا نتخيل  وبنتسفيد من الموضوع 

المهم بند الوورد لا تحفظ اي شي احرق الورقة وانسى كل شي وتوكل على الله .. 
او احفظ الورقة فكتاب او مكان بعيد لما يتحقق الشي بتقرا الورقة بتشوف كل شي اتحقق 

وكل شي راح اتلاقيه جدااامك 

التوكل على الله هذا اهم شي وحسن الظن فيه يعني ماتقول مستحيييييل مستحيل اشتري سياره :sm4:مستحيل يتعدل وضعي المادي مستحيل انجح ها سنه >> لان كل شي قلته راح يتحقق لكن اذا اتخيلت وعشت وسويت قصه وبلبله وحسيت اهم شي وتوكلت على الله كل شي راح يتحقق 

بس كنت اعاني من وسوسه  لدرجه اني تعبت جداً منها احاول اني  اتخلص يعني اقول مثلا برسب برسب برسب برسب بالفعل ارسب احاول اشل هالفكره من بالي قد مااقدر .. يااماا صارتلي مواقف تقهررر من ورا تفكيري السلبي بس احاول قد مااقدر اكون سعيده و اتناسى ها شي .. فمن ها شي اطلع بنقطة مهمه جدا ومريحة 

النقطة :
كل السلبيات الي مثلا كانت فيك .. فالنقول ( الغيبه ) اولا اضع في راسي اني راح اتغير ومااغتاب احد .. ثانيا اتخيل اني اتغيرت .. وكيف حياتي بتكون .. اتوكل على الله واحس ان ها شي بيستوي وانتظر هذا الشي .. وباذن الله بيتغير .. 

لا تقولون مستحيل شي يتغير .. لا كل شي يتغير .. واجهت كلام وايد ناس كانو يقولون لي لاني عمري ماكنت اقول مشاكلي الشخصية لحد كنت احس ان بيشوفوني بشفقة .. كانو يقولون : انتي اسعد وحده لا تتكلمين عن المشاكل عمرج ماحسيتي بالي ستوالنا .. 

كنت اضحك ولكن فداخلي اقول .. كيف عمري ما حسيت على الاقل انتو عشتو طول حياتكم مع امكم وابوكم في بيت واحد ( اتكلم عن صديقاتي ) .. انا عشت مع ابوي بعيد عن امي .. وشي صعب ان العيال يبعدون عن امهم وكنت اقل عن 55 سنوات و الله في اشياء حلوه مرت بطفولتي ولكن في اشياء بعد احس جرحتني ولكن مستحيل اخليها تنهي حياتي .. يعني عشت طفولتي بعيده عن امي مع ان ابوي مايقصر فينا ويودينا لها .. لكن مستحيل في طفل يقدر يعيش بعيد عن امه .. لكن تدرون شو المفاجاء ان ابوي رد على امي لما صار عمري 12 سنه .. والحمدالله ردينا اسرة متكامله  الحمدالله  الحمدالله >> هذا اكبر دليل ان مافي شي مستحيل .. مع ان الكل كان يقول مطلقين مستحيل يردون .. لا مافي شي اسمه مستحيل ها شي علمني قيمة الوالدين ربي لا يحرمني منهم بس وسبب لي ازمه نفسيه فنفس الوقت خخخخ .. من كنت صغيره لين يومكم وانا كل مااكون بعيده عن امي وابوي ويذكرون لي اياهم اصيح .. كله من سلبيات الطلاق ( وبعدني متاثره من هذا الطلاق ) احاول جاهده قد مااقدر انسى .. يلا ماعلينا الحمدالله المهم الحين ردو ..

بس انا كتبت ها شي عشان اتحسون ان مافي شي اسمه مستحيل وكل انسان مرتاح او سعيد اكيد مر بمواقف ومشاكل لا يعلمها الا الله 

برد اقول مره ثانية :
كل شي تتمنونه تتخيلونه تتوكلون على الله و تعرفون ان بيصير تنتظرونه اتحسون ان بيستوي بيصير باذن الله ..

التجربة الثالثة 👇👇👇👇👇

قصص النجاح كثيرة وقانون الجذب هو شغال سواء كنت تعرف او لاتعرف. انا من خلال ملاحظاتي للناس والواقع كان دايما اسال نفسي سؤال ياترى ماسر نجاح البعض بالرغم من انهم لايملكون اي مقومات النجاح؟ ماسر فشل البعض بالرغم من الابداعات العقلية والفكرية الذي يمتلكونها؟ ماسر الحظ الجيد والحظ السئ؟ دائما كنت اسال اسئلة وابحث عن السر، كنت اقول بيني وبين نفسي هناك شئ مفقود، هناك معادلة يجب ان اعرفها، لايسير شئ في هذا الكون بدون سبب، الورقة تسقط من الشجرة على الارض لسبب، اسئلة كثيرة واستفسارات كانت عندي من سنين، والحمدالله في الفترة الاخيرة  عرفت السر والاجوية على اسئلتي الكثيرة، من القصص الذي اعرفها لاناس من اصدقاء وغيرهم وحتى لنفسي هي كثيرة: راح ابدا باول قصة وهي الي خلاني اسال كثير والان فقط ادركت السببقريت عن قالاتك عن حب النفس وذا كان الانسان لايحب نفسه كيف يتوقع ان يحبه الاخرين، او اذا كان غير راضي عن نفسه كيف يتوقع ان يراه الاخرون؟قصة هي لفتاة لم تكن تملك اي مقومات الجمال، كانت شخصية بعيدة عن الاناقة والترتيب والذوق العالي في اللبس، بس كانت لما تنظر لنفسها في المراة تقول بانها اجمل بنت في العالم، وانها تحب نفسها ولون شعرها. كانت دائما تردد بانها ستتزوج من طبيب يحبها جدا ، طبعا الجميع كان يضحكون على كلامها. اما صديقتها الانيقة جدا والجميلة جدا، والتي كانت تشتري اغلى الماركات من ملابس واكسسورارت وعطور، كانت دايما تشك في جمالها وتدور لنفسها على اكثر من عيب، وان انفها كبير وان وجهها ضعيف والي اخره، بينما كان الجميع يمدحون بجمالها ولكنها كانت غير مقتنعة بل ترى نفسها في صورة اخرى، وتنقل هذه الضورة الي الاخرين، عندما كان يقول لها البعض انها جميلة كانت تقول لكن وجهي ضعيف جدا، وجسمي غير متناسق وشعري…….ووو. وانها لن تتتوفق في الزواج وان الذي يتزوجها سوف لن يحبها وسيعاملها بشكل سئ، ولن يقدر جمالها، ولن يوافق على صرفها المال للجمالوالاناقةوووووووو. لم تعرف المسكينة انها بقولها هذا تجلب لنفسها كل الذي في مخيلتها.ومضت سنين، فاذا بالفتاة غير الجميلة والغير الانقية والتي لاتعرف اي شئ عن ستايلات الملابس بل وحتى عن الاتكيت، تقدم لها طبيب محترم من عائلة محترمة لطلب بدها لدهشة الجميع ، لم يدصق احد، والكل بدوا بالكلام عن حظها الجيد، وان الفتاة غير جميلة تكون حظها حلو في الزواج، وصديقتها تسمع الكلام وتخاف من نصيبها، وبعد فترة وجيزة تقدم ابن عمعها الذي كان يعيش في مدينة اخرى ولم تكون تعرفه جيدا، فقط رايته لمرات قليلة فقط، وكان شابا جيدا ويملك شهادة عالية ، بالطبع وافقت بعد الحالح الاهل والاصدقاء. ولكن بعد شهر تماما، بدا يعاملها بشكل شئ جدا، حتى كلامه تغير وبدا يعاتبها ويمنعهامن الخروج حتى مع اهلها، المهم لم يستمر الخطوبة طويلا لانها ضاقت منه وطلبت ان ينفصلوا وطبعا وافق الشاب بدون اي مشاكل، وبدا الكلام عن حظها السئ وان الفتاة الجميلة تكون حظها في الزواج سئيا، والكل عاتب حظها ولكن لم يعاتهبا احد، لم يعرف احد انها لم تكن تحب نفسها ولم تكن ترى نفسها وهي عندها كل مواصفات الجمال وكانت تتوقع ان الذي يحبها سوف يتغير معها وسوف يعاملها بشكل سئ، هذا كله من ناتج افكارها وهذا كله نتيجة تفكيرها السلبي وعدم الثقة في نفسها والتشاؤم، ماتزال لديها نفس الافكار ومايزال يخطوبهنا دائما الاقل منها  والذين لايمتلكون اي شئ، وهي ترفض وتعاتب حظها، ياترى ال متى يعاتب الانسان حظه، لماذا لايفكر بينه وبين نفسه ويبحث عن السببانا بدروي حاولت كثيرا التحدث اليها والي ضرورة ان تغير من طريقة تفكيرها وقبل كل شئ تحب نفسها، ان ترى نفسها بشكلها الحقيقي، وان تحمد الله على النعم الذي انعم بيها، افضل من ان تعاتب الحظ  على طول، ربما ستغير حالها الى الافضل.هذه احدى القصص من القصص الكثيرة وكل مقالة قراتها ذكرتني بقصة اعرفها وانشاءالله اكتب عن غيرها في المرات القادم

شاركه على جوجل بلس

عن انثى عربية